CroALa, 2024-04-29+02:00. Nodus 214151 in collectione croala.
Functio nominatur: /node/croala/214151.
220. [217.] In Ocnum discendi toediosum.Oblitus tecti solus venator in agris Durat et hiberno sub Jove laetus agit, Nec glaciem, tristesque horret calcare pruinas, Nec juga Riphaea semper operta nive, Seu cervam longe catuli videre fideles, Linea seu Marsus retia rupit aper. Te sophiae addictum placidae piget, Ocne, palestrae, Discendique vigil toedia ferre negas?