CroALa, 2024-04-29+02:00. Nodus 213435 in collectione croala.
Functio nominatur: /node/croala/213435.
205. [202.]De Gellia, cuius amatorem poëta inducit. Krša Blanda olim ut captum sensit me Gellia, rusco Facta est, atque hirtis sentibus asperior; Sic mihi libertas rediit, sic Gellia ab arctis Emissum vinclis me mihi restituit. Quid, semel emissum repetat si rursus et illas Expromat, queis nil non pote, blanditias? Me miserum! Ut rursum spernar, rursumque fatiger, Sponte dabo famulas in sua vincla manus.