CroALa, 2024-04-29+02:00. Nodus 213220 in collectione croala.
Functio nominatur: /node/croala/213220.
201. [198.]Amatoris querela ad Aeglen. Krša Aegle, jamdudum video quam negliger a te, aeque conor ego te quoque negligere, Nec possum, longo mentem devinctus amore, Sed, possim ut tandem, qualibet efficiam. Vanescet, mentem qui nunc circumvolat, error, Et sibi se victrix restituet ratio. Nulla mihi incipies fieri tunc ipsa vicissim, Ut tibi sum longo a tempore nullus ego.