CroALa & LatTy: nodus

Nodus 213013 in documento kunic-r-epigr.xml

196. [193.] Cassandrae vaticinium. Victor ovans curru bijugo raptabat Achilles Extinctum foedo in pulvere Priamidem, Cui procul Iliaca dirum canit omen ab arce Troica discissos Moenas aperta sinus: Saevis in exanimem? Saevi; licet: Hectoris umbram Nempe trahis; contra quem furis, Hector abest. Perge, ferox: non ista meum facta impia fratrem Dedecorant sed te, saeve, tuamque domum. Perge: Deus sceleri veniet tamen ultor, ab arcu Jam fugit, atque auras certa sagitta secat; Illa tuos tandem sistet, malesane, furores, Illa mihi et Priamo gaudia laeta feret.