CroALa, 2024-04-29+02:00. Nodus 212078 in collectione croala.
Functio nominatur: /node/croala/212078.
167. [164.] Questibus indulget.Hic nemus et liquidi fontes et mollia prata, Et levis arboreas ventilat aura comas. Hic paullum cessare juvat, sternique sub umbra, Et querulas inter dicere carmen aves, Quod procul excipiatque cavis e rupibus Echo, Nec renuat moestos moesta referre sonos, Et spretos olim infelix quae flevit amores, Questubus et lacrymis adgemat aequa meis.