CroALa, 2024-04-28+02:00. Nodus 210449 in collectione croala.
Functio nominatur: /node/croala/210449.
116. [113.] Ad Daphnyda gregis obliviscentem in amando Aegle.Aeglem, Daphni, canis tu sola in rupe, vagantur Incustoditae per nemus at pecudes, Queis lupus adrepit raptor, cape robora, Daphni, Saxa cape ac miserum, Daphni, tuere gregem. Surge, age, Daphni, gradum celera: ferus ingruit ille, Ille tibi niveam jam rapit acer ovem. Quid loquor? Heu vacuas frustra dilapsa per auras In ventum ac nubes, irrita verba volant. Nil audit; sola mentem defixus in Aegle, Nec memor est pecoris, nec memor ipse sui.