CroALa, 2024-04-29+02:00. Nodus 210325 in collectione croala.
Functio nominatur: /node/croala/210325.
112. [109.] Cur Aulum nemo non vitet.Quaeris, tam multi cur te vitare laborent, Nec domus adventu gaudeat ulla tuo? Ex facili cuivis laedi ceu vitreus, Aule, Ex facili quemvis laedere et Aule soles. Utraque res longe fugat omnes, utraque cogit, Qui sapiunt omnes consuluisse sibi. Quippe grave est laedi, gravius prope laedere: utrumvis Nec potis est, qui te non fugit, effugere.