CroALa, 2024-04-29+02:00. Nodus 207913 in collectione croala.
Functio nominatur: /node/croala/207913.
44. [43.] Ad Aulum, tragoediarum scriptorem, frustra cum Victorio Alferio certantem.Daedaleos nisus Victori vincere frustra, Aule, cupis molli praeditus ingenio. Artem adhibe quantam vis denique; non erit unquam, Ut terra attollas te tamen ex humili. Non erit, ut dici possis vel proximus illi, Non, si te studio ruperis immodico. Jam sibi, jam tragici primas tenet ille cothurni; Mirabor, decimas tu tibi si teneas.