CroALa, 2024-04-29+02:00. Nodus 207477 in collectione croala.
Functio nominatur: /node/croala/207477.
30. Ad egregium publicae rei curatorem amore captum.Aule, urbis nuper spes maxima, quid facis? Istos Cur te tam vecors induis in laqueos? Cur lentus tenerae mavis servire puellae, Quam coeptum eximiae carpere laudis iter? Ah furor est uni, quam cunctis, malle placere, Velle unam toto Phyllida prae populo. Non tibi fas curas alio traducere; curas Publica res omnes postulat una sibi: Illa vetat mentem placito submittere amori, Illa vetat dulci subdere colla jugo. Et clamat: Meus es, quo nunc te proripis? Et te Una sibi injecta vindicat, Aule, manu?