CroALa, 2024-04-29+02:00. Nodus 207079 in collectione croala.
Functio nominatur: /node/croala/207079.
18. Ad Aulum pluribus intentum.Candida quae vitrum lux transit, nil agit, Aule, Vastum ubi se fundit didita per spatium; Arctum ubi se in coni totam contraxit acumen Ignescit, flammas et ciet indomitas. Sic tua mens omnes late nunc fusa per artes Magnum et mirandum nil potis efficere est. Uni se totam si quando addixerit arti Unam urgens curis omnibus, efficiet.