CroALa, 2024-04-29+02:00. Nodus 205013 in collectione croala.
Functio nominatur: /node/croala/205013.
586. Ad Lydam, mortua filia, sanctas moniales, apud quas olim morabatur, invisentem.Quo ruis in lacrymas? Saevi monumenta doloris (Parce viae) servat, quam petis, ista domus, Nata ubi vae miserae morbo correpta supremo est. Siste gradum; infaustos aufuge, Lyda, lares. Quid loquor? Officium quo te rapit, i, bona Lyda, Virgineos natae moesta revise choros: Jungetis pariter fletus et multus utrinque Gliscet, sed multa non sine laude, dolor.