CroALa, 2024-04-29+02:00. Nodus 204446 in collectione croala.
Functio nominatur: /node/croala/204446.
571. In Quintum, Violantae morbum Lydae matri extollentem.Quid metuas, quidnam speres, tu videris ipse, Quinte, tibi: ast aliis tristia quae metuis Nil opus est claras proferre in luminis oras, De gnata et matri dicere quid metuas: Praesertim fatuos metuis qui saepe timores, Errantesque umbras et tua visa paves.