CroALa, 2024-04-28+02:00. Nodus 202076 in collectione croala.
Functio nominatur: /node/croala/202076.
500. [499.] Ad Janum Lydae conjugem Romam redeuntem poeta suo ac sodalium nomine.Jane, tua huc prae te quae venit epistola, miro Incendit nostrum pectus amore tui, Nec quisquam est, reducem Tiberina ad flumina toto Amplecti quin te gestiat ex animo. Crede mihi, propera; nec differ gaudia nobis, Gaudia nec differ, dulcis amice, tibi: Laetior haud ulla est, quam quae lux rursus amicos Post longum jungit candida discidium.