CroALa & LatTy: nodus

Nodus 200697 in documento kunic-r-epigr.xml

455. [454.] De carminibus suis a Lyda recitatis. Cum mea mi recitas tu carmina, Lyda, videntur Carmina pol mire tum mea pulchra mihi. Tum sensus, tum verba placent, tum nil hiat usquam, Nil durum est usquam, nil sonat asperius, Nil est non salsum, nil se non sensibus imis Insinuat dulci dulcibus ambrosia. Tunc ego me primo, veram dein altius ut rem Inspexi, tantum te, mea Lyda, probo.