CroALa, 2024-04-29+02:00. Nodus 199635 in collectione croala.
Functio nominatur: /node/croala/199635.
418. Ad eamdem.Ah quid agis, mater? Natum vis perdere? Nati Ultrix tela manu projice, ne misero, Heu misero, infelix, dulcem, tua munera, vitam Eripe. Spectaclo sic animum attonitus Clamavi (horrebant artus et corda micabant, Perque genas ibant, perque sinum lacrymae) Dum furiis agitur, stricto dum turbida ferro Sopitum, Merope, jam ruis in juvenem. Nec sensi vana me ludi ab imagine: gnato Sed lethum, matri sed scelus extimui.