CroALa, 2024-04-29+02:00. Nodus 194223 in collectione croala.
Functio nominatur: /node/croala/194223.
243. Nil rus habere, unde possit se a Lyda avellere.Tulle, jubes vacuos hinc me secedere in agros, Cui melius multo vivere in urbe licet. Perge mihi dulces cantus memorare volucrum, / Et Zephyrum Krša Et Zephyrum et murmur lene fluentis aquae; Adde umbras nemorum virides, adde antra, lacusque, Pomaque curvatis pendula ab arboribus; Errantesque greges balantum, armentaque laeta, Pastorum et junctis carmen arundinibus; Adde alia et quaecumque voles: haec omnia Romae Pensabit longe mi mea Lyda comes.