CroALa, 2024-04-29+02:00. Nodus 193579 in collectione croala.
Functio nominatur: /node/croala/193579.
223. Se, Lyda moerente, non posse carmen scribere.Quid tacitum increpitas? Te moesta, Lyda, putas me Posse hilarem cantus fundere laetificos? Non si me Ascraeo Phoebus pater incitet igni, Castalio et mergat Calliopea lacu. Vati sola potes tu ad carmina subdere calcar; Lyda tibi canto, Lyda tibi sileo. Riseris ut primum, discusso turbine, cantus Incipiet rursus haec mea Musa suos.