CroALa, 2024-04-29+02:00. Nodus 191444 in collectione croala.
Functio nominatur: /node/croala/191444.
153. Ad Lydam, de ingenio muliebri.Quisquis foemineum spernit genus et putat esse, Corpore ut est, molli futile sic animo, Vel semel audierit si te, mea Lyda, loquentem, Clamabit: Fallor, quam vivet ingenio! Quam miranda viros haec vincit foemina! Quanto Expendit rerum singula judicio! Quam cupide rerum vestigat mente sagaci, Inventum et caecis protrahit e latebris! Quas sibi congessit, quas, cum res poscere visa est, Expromit docto e pectore divitias! Digna coli, digna et quam propter dicere nemo Audeat, esse genus futile foemineum.