CroALa, 2024-04-29+02:00. Nodus 191071 in collectione croala.
Functio nominatur: /node/croala/191071.
142. Ad Postumum, de Lydae probitate in facie conspicua.Lyda, rogas, quanam sit, Postume, praedita forma? Pulchra oculis, menti est pulchrior illa meae, Qua visa, haud tantum possis dixisse venustam, Scire sed et sanctis moribus esse probam. Credo, si faciem sibi virtus fingeret ipsa, Hanc faciem virtus fingeret ipsa sibi, Qualis et est intra, cum se se ostenderet extra, Ad se omnes mira duceret illecebra.