CroALa, 2024-04-28+02:00. Nodus 1896407 in collectione croala.
Functio nominatur: /node/croala/1896407.
Reuerendissime Domine Praesul et Pater Colendissime, Salutem! Toto hoc mense nullas meas misi; has scribo, iisque significo tandem
die Lunae proximo praeterito, qui fuit. Non quidem per uiam secretam, sed neque per ordinariam. Tandiu laboraui, donec sine Aliorum Ungariae Praesulum et sine Successorum praeiudicio, quod iuste postulauimus, obtinerem. Sacro Collegio centum Ungaricos aureos et non plures numeraui, licet ii mussitarent et omnino triginta plures postularent. Ego obstinato et pertinaci animo egi, neque ad maiorem summam deuenire uolui, affirmans plures neque Dominationem Uestram Reuerendissimam transmisisse, neque transmittere posse, propter plurimas rationes, quas praetermitto. Dominus Cardinalis Cueua negotium proposuit. Barberinus mitigatus iuuit, et uix aliquid sine illo obtinere potuissem.24. dies praesentis mensis , Dominationis Uestrae Reuerendissimae negotium Confirmationis fuisse ultimatumMartii Pro bullis minores quas potero expensas faciam et quam celerrime possibilitas afferet curabo earum expeditionem.Fauilla plurima mendacia ad Reuerendissimum Strigoniesem contra me scripsit, hic quoque per angulos latrare non parcit. Caeterum, si ego Reuerendissimorum Praesulum Ungariae respectum et aestimationem non pluris facerem, quam ipse fingit, crastina die efficerem ut exul amandaretur. Quod ego neque faciam neque feci, dubito alios facturos, propter eius maxima merita adinuentionum. Uidebunt et cognoscent omnes meam integritatem et non dubito, quin et alii eadem uia tentabunt, dummodo potuerint, confirmari. Dominus Matkouich non potest habere facultatem abeundi antequam absoluat quadriennium. Fuit apud Cardinalem et aliis in locis, sed frustra laborauit. Ipse quoque adibo Cardinalem, et si ualebo, curare conabor eius dimissionem.Hisce Dominationi Uestrae Reuerendissimae felicia festa Paschalia ex animo precor. Roma, 27. Martii 1642. Dominationis Uestrae Reuerendissimae Filius deuotissimus frater Raphael Croata, m.p.
Dominus Crisanich heri primitias habuit, quibus interesse non potui, ad Sanctum Petrum, ubi celebrauit.