CroALa, 2024-04-29+02:00. Nodus 1884143 in collectione croala.
Functio nominatur: /node/croala/1884143.
EIDEM.Hoc est decoris artibus imbui Pectusque Iuris rite sacrario Monstrare dives, patriaeque Hoc vigili vigilare mente, Legum Kithonich gloria et arbiter, Non Ulpiani me vaga pagina Aut Bartholi, aut Baldi labores Postea sollicitent frequenter. Vel queis vetustas Iuris adorea Clamore multo, tempora fascinant: Postquam liber Directionis Cum methodo datur hic in auras. Sublime, nostris, Iuris, et utile Terris dedisti, Iane, opus, arduis In rebus, et nodis revinctis, Dexteriore modo, explicandis. Stabit tabellis ducta perennibus Tam fructuosi gloria nominis, Longo perennans vivet aevo Fama Kithonicii per orbem. Oblivioso non valet obrui Virtus sepulchro, clarior emicans Perrumpit urnae claustra, nunquam Invidiae moritura morsu. M. Valerianus Edmundus S.M.E.C. et Scl. Tyr. Conc. Ord. Venerationis ergo P.