CroALa, 2024-04-28+02:00. Nodus 1883933 in collectione croala.
Functio nominatur: /node/croala/1883933.
INSIGNIA DOMINI IOANNIS KITHONYCHQuanta, Kithonitium signum, mysteria gestat? Quam multa hic grato, lumine posta legis? Quid notat ursus? Eum, qui sit piger, et rudis illum? Qui non naturam perpolit arte suam, Non est hoc vitio mersus Kithonithius, extra est: Ille animum multis artibus erudiit. Castaneae fructus, quid utrinque; Cydonia signant? Hinc studii spinas, hinc et amaritiem. Cassis aperta quid est? Quid sunt diademata? Dicam: Regius inde favor; nobile ab inde decus. Alati Gryphes tollunt vexilla sub axem: Victoris Kithonych, parta trophaea notant. Barbaries, o Magne virum, tibi porrigit herbam, Sub pedibusque tuis victa recumbit, iners. Quid superest igitur, post tanta negotia? Virtus, Ut tua quam certa scandat ad astra, via.