CroALa, 2024-04-29+02:00. Nodus 188019 in collectione croala.
Functio nominatur: /node/croala/188019.
57. Ad Lydam. Lusus de chirurgo.Omnes di ut saevum male plectant, Lyda, chirurgum Istud qui miserae praebuerit remedi, Quod tota insomnem cruciaret nocte, dolore Quod malam flenti perderet indomito. Huncine ego (infelix!) duxi tibi? Fidere jussi Huic te, tam diras atque subire manus? Parce; dedi poenas large jam, Lyda; dolorem Quam tu, nam dolui pol magis ipse tuum. Ipse mihi iratus, credens duxisse chirurgum, Horrendum duxi quod tibi carnificem.