CroALa, 2024-04-28+02:00. Nodus 187731 in collectione croala.
Functio nominatur: /node/croala/187731.
49. Ad Lydam, quod eam tardius inviserit.Ad te venturum fugiens quod me hora fefellit, Miror id ut magnum, Lyda, ego prodigium. Quippe mihi, visam de more ut limen amicum, Nunquam non tardis gressibus illa meat, Et solet ignavo tam lenta incedere motu, Cessantem iratus semper ut increpitem. Quidquid id est, ignosce morae: te, Lyda, parumper Quod carui, solvi sat grave supplicium.