CroALa, 2024-04-28+02:00. Nodus 186039 in collectione croala.
Functio nominatur: /node/croala/186039.
5. Ad Postumum, de se ac LydaQuod saepe affari soleo, quod visere Lydam, Postume, foemineo captus amore feror. Jure sed, in raris quamquam audit prima puellis, Lyda virum est scribi dignior in numero, Quam variae exornat doctrinae mira supellex, Quae nil non acri pervidet ingenio, Cujus mi placet eloquium, nec displicet ipso Actoeae similis forma severa deae. Has propter dotes cui Lyda est cara viriles, Falso ego foemineo captus amore feror.