CroALa, 2024-04-28+02:00. Nodus 185565 in collectione croala.
Functio nominatur: /node/croala/185565.
231. [230.](pon. inter varia) Ad Cinnam, sua carmina edere nolentem.Krša Carmina, quae scribis, ni sint mendosa, lepore Prorsum omni et careant, atque sale ac venere, Velles, Cinna, legi tandem et notescere vulgo, Nec semper posses clausa fovere domi. Nam quod te dicis nil tangi laudis amore, Jurato nequeam credere. Laudis amor Cui nullus prurit sub pectore, scribere versus Parcit, non scriptos gaudet habere domi.