CroALa, 2024-04-29+02:00. Nodus 179166 in collectione croala.
Functio nominatur: /node/croala/179166.
19. [ = Sat. 1305]Ebrius, atque satur laudat jejunia. Rullus conquirit peregrinos undique pisces, Et quaecumque mari squallida concha latet, Et sibi boletos, sibi vult fragrantia poni Advecta externis tubera litoribus, Vina dein poscit Mareotica, Chia, Falerna, Atque alia, atqua alia de meliore nota. Ebrius, atque satur laudat jejunia, seque Jactat, quod vetitis abstinet altilibus.