CroALa, 2024-04-29+02:00. Nodus 1787994 in collectione croala.
Functio nominatur: /node/croala/1787994.
DE INSTANTIA ORATIONIS Parabola XXVQuidam paupertate compulsus mendicare coepit. Et primo hostiatim panem petens abunde sibi alimenta comparabat. Deinde diuitum conciliabula circumiens non modicam colligebat pecuniam. Igitur elemosinis tandem diues factus dicere solebat mendicos prius oportet fieri, qui diuites euadere cupiunt.
Haec parabola orare nos admonet et quasi mendicos in omni loco omnique die sublatis in caelum manibus Deum deprecari, si pane illo uesci uolumus, quem gustando nunquam esuriemus, si opibus illis ditari, quas nec fur
surripere nec tinea potest corrumpere.Petite,inquit,et accipietis; quaerite, et inuenietis; pulsate, et aperietur uobis.Quid ergo cunctamur? Ipse iubet poscere, qui solus potest dare, et nisi paratus esset tribuere, postulare non praecepisset.