CroALa, 2024-04-29+02:00. Nodus 178759 in collectione croala.
Functio nominatur: /node/croala/178759.
4. Ad Battum, qui ad poetam ita scripserat: Quaedam nuptiae propediem apud nos fient; amabo te, scribe aliquid, mihique mitte.Nescio quae cuidam nubit: me carmina Battus Poscit. Batte, audi, vera ne vaticiner: Ista viro foecunda uxor, sterilisve futura est; Si quid nascetur, foemina, masve fuat, Moribus et vita, aut morte utrique parenti Afferet aut risum et laetitiam, aut lacrymas. Nunc satis haec: sponsos fac norim; forsitan addi Huc aliquid poterit, forsitan haud poterit.