CroALa, 2024-04-29+02:00. Nodus 178075 in collectione croala.
Functio nominatur: /node/croala/178075.
53. [51.] Ad Benedictum Stay in obitu suae sororis.Functa soror letho est tibi; parce dolere: aetherias felix jam colit illa domos. Flere nefas puppim, portu quae condita in alto est, In tutum aequoreas nec timet acta minas. Heu, moneo frustra: pectus dolor effodit imum, Atque ora invitae moesta rigant lacrimae. Hoc vulgo distas sapiens: tu froena retentas, Indocilis luctu froena dat ille suo.