CroALa, 2024-04-29+02:00. Nodus 177767 in collectione croala.
Functio nominatur: /node/croala/177767.
45. [43.] Tumulus Lycophontis Trezenii.(Nomen Arcadicum Antonii de Gennaro ducis Belfortis Neapolitani) Heic situs est Lycophon, vates longe optimus, at vir Multo, quam vates, ille tamen melior, Quem sibi Parthenope raptum flet, moestaque flebit Dum Musas, mores dum colet illa bonos, Dum spernet procerum vulgus, laudabit, avitam Qui lucem, at clarus luce sua, decorat.