CroALa, 2024-04-29+02:00. Nodus 177387 in collectione croala.
Functio nominatur: /node/croala/177387.
29. [27.] Tumulus hominis minime ambitiosi.Quo mihi regalis moles operosa sepulcri, Claraque de Pariis marmora caesa jugis? Quo mihi Pyramidum sumptus? Quo stantia signa, Et mea inauratis nomina scripta notis? Et vivus sprevi quondam, nec mortuus istas Coepi auri et lapidum quaerere delicias. Rite sat est, si condar humo: putrescere corpus Ut queat, est sedes quaelibet apta satis.