CroALa, 2024-04-28+02:00. Nodus 175068 in collectione croala.
Functio nominatur: /node/croala/175068.
1431. [1424.] In Lycotam procerum amicitiis intumescentem.Matronas crepat usque meus procerosque Lycotas, Atque tumet magnis laetus amicitiis. Jamque, cliens quorum meruit vix esse, sodalem His factum se se scilicet esse putat. Jam, fratres veluti, nullo compellat honore Esse sibi merito quos cuperet dominos. Cui, vellem, haec demi possit vesania: verum Non opus est verbis, ast opus helleboro.