CroALa, 2024-04-29+02:00. Nodus 173145 in collectione croala.
Functio nominatur: /node/croala/173145.
1361. [1353.] Ad Battum. De nimia sui ipsius jactantia et magnificentia.Ad Battum. De inepta ejus jactantia. Krša Posse tuis te, Batte, putas obducere nubem Sordibus et coeno, quo pater et genitrix, Et patrii turpant te foeda mapalia ruris, Serica quod vestis, quod tibi culta coma est, Quod veheris curru, quod magno non sine fastu Tetrarcas, reges, omnia magna crepas. Fallit te ratio, fallit, mi Batte. Latentis Nemo genus vellet quaerere vel patriam: Ex quo te jactas, magnosque imitaris, ad unum, Quaesivere omnes; quis genus, unde domo?