CroALa, 2024-04-29+02:00. Nodus 171445 in collectione croala.
Functio nominatur: /node/croala/171445.
1304. [1298.] In impium.In hominem perditissimis moribus. Krša Non pudet insano ferri per compita cursu, Et dare nequitiae turpia signa tuae? Non pudet obscoeni jactantem jurgia scurrae Improba per medias verba crepare vias? Ore miser ficto nimium ne crede: popellum Ut fallis, divos fallere posse putas, Atque Themin, stricto cujus jam fulgurat ense Atque tuum forsan destinat ira caput?