CroALa, 2024-04-29+02:00. Nodus 169030 in collectione croala.
Functio nominatur: /node/croala/169030.
1226. [1220.] Ad Tullam, petentem a Iola, ut ipse illi pingat suam effigiem.Ipse suam pingat formam tibi, poscis, Iolas; Nil opus est: pictum in pectore, Tulla, geris. Pinxit amor; mentique objectat nocte dieque, Cogit et, ut nolis, perpetuo adspicere. Posce tamen: ventosus amor quam pingit, imago Nam cita foemineo diffugit ex animo. Id tibi quum fiet, saltem spectabis Iolam Neglecta interdum forsitan in tabula.