CroALa & LatTy: nodus

Nodus 1686224 in documento vrancic-f-carm-epist.xml

Ad Deum carmen Saphicum, idem Adsis, o summi fabricator orbis, Tu pias aures aperi precanti, Qui tuum semper coluit beatum Numen ubique. Protegas longo numero dierum Addito cari patrui seniles Et simul fessi genitoris annos, Summe deorum. Serua et tu matrem sobolis decorae, Da pius, oro, mihi gratiamque, Nomen ut possim generisque dignus Gerere famam.