CroALa, 2024-04-28+02:00. Nodus 165949 in collectione croala.
Functio nominatur: /node/croala/165949.
1132. [1126.] In ineptum carminum suorum censorem.Dormito interdum, fateor, ceu magnus Homerus, Sed vel dormitans te meliora cano; Nec mea, sint quamvis incondita, somnia sanus Mutarim curis, censor inepte, tuis, aeternoque velim potius decumbere somno, Quam quo me velles, pervigilare modo, Et furere insanos lymphata mente furores, Pulmonem et nugis rumpere grandiloquis.