CroALa & LatTy: nodus

Nodus 164631 in documento kunic-r-epigr.xml

1087. [1081.] Ad virum, cum quo continuas uxor rixas habebat. Ad quemdam, cum quo continuas uxor rixas habebat. Krša Hectoris haud vere quo dicta est nomine conjux, Digna tua est dici verius Andromache. Illa nil fieri possit pugnacius, illa Assidue tecum praelia saeva gerit. Quae tu cumque probas, cuncta improbat: ipse videri Si tibi quid verum dixeris, illa negat. Nec cessat clamor, convicia, rixa, querelae, Dum trahat addictum sub sua jura virum. Heu bellum miseris deplorandum lamentis, Durius, heu, bello et longius Iliaco!