CroALa, 2024-04-29+02:00. Nodus 163133 in collectione croala.
Functio nominatur: /node/croala/163133.
1036. [1030.] In idem argumentum.Ingenue de me quod sentis, dic, ais, Aule; Aule, ego non dicam, quod tibi displiceat. Fallor, an hoc ipsum, videor quod dicere probri Posse aliquid, mire jam tibi displicuit? Jam rudis ac saevus videor tibi; laedere amicum Jam credor dicto non satis ingenuo. Ingenue quid si promam sensa intima? Rerum Quid si, quae peccas, plurima protulero?