CroALa, 2024-04-29+02:00. Nodus 162340 in collectione croala.
Functio nominatur: /node/croala/162340.
1011. [1005.] Aliud.Gallia, quis miseram nunc te regit? Effera turba, Ipsa suo arcessit quae capiti exitium, Quae furiis incensa ruit, seque ipsa barathrum Demens atque ignes injicit in medios, Caedibus et caedes addit, gaudetque cruento, Versa omni foede lege, latrocinio. Non satius regesque pati, regumque ministros, Arbitrio quam sic velle perire suo?