CroALa, 2024-04-29+02:00. Nodus 162139 in collectione croala.
Functio nominatur: /node/croala/162139.
1004. [998.] In Aulum genas minio pingentem.Virne genas minio pingis, fucatus et ore Purpureo in sacris cerneris, Aule, choris? Nec te rideri sentis? Nec multa, popellus, Audis, quae denso murmure dicta jacit? Crede, oculos nimium laedis, mentesque tuentum, Crede, levis merito diceris et fatuus. Crede, nigra inficias tibi si fuligine vultum, Omnibus haud possis displicuisse magis.