CroALa, 2024-04-29+02:00. Nodus 161266 in collectione croala.
Functio nominatur: /node/croala/161266.
974. [968.](vide n. 970) Ad Postumum de mutabili ejus ingenio.Krša Ad Postumum de mutabili ejus ingenio et iracundia. Krša Quod semel abruptum furiis agitatus iniquis Liquisti fugiens, Postume, conjugium, Rursus adis. Cessit saevus furor et tibi nupta, Quae male displicuit, rursus, ut ante, placet. Heu miseram! Rursus quae flebit nempe relicta, Ibit et in patriam spreta puella domum. Non es, qui possis longo illam tempore ferre, Ipsum qui nec te, Postume, ferre potes.