CroALa, 2024-04-29+02:00. Nodus 160838 in collectione croala.
Functio nominatur: /node/croala/160838.
960. [954.] Olim sapiens, modo, Cinname, ineptis.Nempe levem dicis me, Cinname, quod tibi amicus Esse, ut eram, verso pectore desierim. Id fateor, verti si me ventosus et idem Nunc odio es, nuper qui mihi carus eras. Sin male vertisti tu te, nec jam tibi quidquam Illius, placuit qui mihi, moris inest, Ipse levem dic te, quod tam mutatus ab illo es, Quem memini et nusquam, proh dolor, invenio; Quem mihi si reddes, aeque sic rursus amabo: Dicar ut eximia solus amare fide.