CroALa, 2024-04-29+02:00. Nodus 160036 in collectione croala.
Functio nominatur: /node/croala/160036.
936. [930.]In hominem voluptatibus perpetuo studentem. Krša Insomnem ludo, quam longa est, ducere noctem, Ad lucem foede stertere dein mediam, Inde dapes celebrare, domo dein sole cadente Evectum Portam visere Flaminiam; Inde iterum totam garrire ac ludere noctem: Hoc est in vita, Postume, nil agere, Nec prodesse hominum generi, multoque minoris Vel fabro apud sanos esse, vel agricola.