CroALa, 2024-04-29+02:00. Nodus 158647 in collectione croala.
Functio nominatur: /node/croala/158647.
898. [892.]In Antigenem minime reprehendi patientem. Krša Qui te non culpet, nemo est; qui dicere coram Audent id, frustra quaeritur, Antigene. Hoc tibi ego munus nullo non carius auro; Nullis non gemmis, carius en tribuo. Primus et ingenue, fuco procul ablegato, Dicam quid pecces, quam male displiceas. Quid? Vultum vertis, palles, torvumque tueris? Parce irae: taceo, promere quae volui. De te quod dici non vis tibi, dicere in omni Unus multorum pergam equidem populo.