CroALa, 2024-04-29+02:00. Nodus 158034 in collectione croala.
Functio nominatur: /node/croala/158034.
879. [873.]De Euphronis ingenio. Krša Tam blanda est Euphro, ut possit Charis ipsa videri, Vel si quid miti mitius est Charite. Hanc laudem affectat, nec quidquam laetior audit, Quam si quis mitem dixerit et placidam; Sed mitem hanc verbo si quisquam laeserit uno Illa Charis subito fit mala Tisiphone, Et rabie furit immani saeva, effera, blandi Nec vultus, mitis nec memor ingenii. Nempe levis vultum paullisper fingit, at acre Naturae virus non domat ambitio.