CroALa, 2024-04-29+02:00. Nodus 1572659 in collectione croala.
Functio nominatur: /node/croala/1572659.
OSEEOSEE, filius Beri, syncronos Esaię fuit. Prophetauit temporibus Ozię, Ioathan, Achaz, Ezechię, regum Iuda, et Hieroboam, filii Iohę, regis Israhel. Ex his Achaz, regem Iuda, et Hieroboam, regem Israhel, arguit idolatrię sub figura uxoris fornicarię et filiorum fornicationum. Ob hoc utrumque regnum prędicit a gentibus euertendum. Prophetat de aduentu Christi et die tertia surrecturum a mortuis innuit.
Viuificabit nos,inquit,post duos dies; in die tertia suscitabit nos.Eundem de Iudeorum perfidia lamentantem inducit ac dicentem:Ego redemi eas, et ipsi locuti sunt de me mendacia.Et ob hoc quidem propheta regnum eorum per Romanos prędixit euertendum. In Christo autem credituris Dei misericordiam pollicetur. Pręterea de eucharistię sacramento in salutem fidelium instituendo uaticinatur dicens:Viuent tritico et germinabunt quasi uinea; memoriale eius sicut uinum Lybani.Atque hęc de propheta isto memorię prodita in prophetarum libello habentur.