CroALa, 2024-04-29+02:00. Nodus 154222 in collectione croala.
Functio nominatur: /node/croala/154222.
758. [755.] Ad poetam versibus foeda tractantem.Dulcis amice, istaec odi tua carmina, foedam Queis tractas ventris proluviem et crepitus. Non pudet in turpi mentem versare latrina? In merdis famam quaerere et ingenii? Crede mihi, tandem scurrari desine, tandem Quae deceant vatem verbaque, resque vide. Ne tantum vili placeant tua scripta popello, Coetibus ingenuis at male displiceant.