CroALa, 2024-04-29+02:00. Nodus 1532510 in collectione croala.
Functio nominatur: /node/croala/1532510.
Dedicatio Doni secundi ad / Matrem Pietatis.Coelitum regis generosa Mater, Fontis aeterni pietate manans, Quem paris Virgo, supero et fruendum Fundis Olympo. Filium summi Genetoris ex te Quem colunt regem superi, Patremque, Teque regina et genetrice diuum Numina gaudent. Dedico donum tibi iam secundum Quod tibi nostrae cecinere musae, Suscipe, aeternum et dea da fauorem Grata precamur.